Tilrettelagt butilbod for personar med utviklingshemming

Har du ei utviklingshemming og behov for ein bustad som gir deg tryggleik og støtte i kvardagen? Ullensvang kommune tilbyr tilrettelagte leilegheiter der du kan bu godt, få nødvendig hjelp og leve eit mest mogleg sjølvstendig liv.

Kven kan få tilbodet?

Personar med medfødd eller erverva funksjonshemming som er langvarig eller varig, og som treng hjelp for å kunne delta i kvardagsliv og samfunnsliv.

Kva kan du få hjelp til?

Har du behov for ein tilpassa og trygg bustad, kan du søkje om eit tilrettelagt butilbod i Ullensvang kommune. Målet med tilbodet er å gi deg støtte i kvardagen og bidra til utvikling, meistring og større sjølvstende.

Du bur i ei leilegheit med trygge og føreseielege rammer, der du får høve til å bestemme over kvardagen din.  Nokre leilegheiter er ein del av eit bufellesskap med fellesområde, som stove og kjøkken, der du kan delta i felles måltid og sosiale aktivitetar dersom du ønskjer det.

Nokre av leilegheitene har bemanning heile eller delar av døgnet. Du får helse- og omsorgstenester tilpassa dine behov. Bur du i ei leilegheit utanfor bufellesskapet, kan du likevel få tenester og bruke fellesområdet ved behov.

Her finn du oss

Slik søkjer du

Du kan søkje om omsorgsbustad ved å sende inn søknadsskjema eller ved å kontakte tildelingskontoret.

Søk om helse- og omsorgstenester

Søknad om helse og omsorgstenester (pdf)

Papirskjema kan sendast til: 

Ullensvang kommune v/Helse og omsorg
Avdeling for Forvaltning og koordinering 
Opheimsgata 31
5750 Odda

Søknadsfrist

Det er ingen fast søknadsfrist, søknadar blir behandla fortløpande.

Pris

Leigeforholdet vert regulert av husleigelova, og du inngår husleigeavtale med kommunen. 

Leigetakar kan søkje bustøtte frå Husbanken.

Kva skjer vidare?

Når søknaden din er mottatt, vil kommunen vurdere behovet ditt og fatte eit vedtak. Du vil få skriftleg tilbakemelding om vedtaket.

Klage

Dersom du ikkje er nøgd med vedtaket, kan du klage. Klagen skal sendast til kommunen innan fire veker etter at du har mottatt vedtaket.

Lovar og reglar

  • Tilbodet er regulert etter: Helse- og omsorgstenestelova § 3-1, jf. 3-2a.